(cet événement aura lieu en langue luxembourgeoise)
Fir d‘Geleeënheet vun hirem 10te Gebuertsdag presentéiert Tri2pattes elo ee Jubiläums-Comedy-Programm.
Een Alldag ouni Laachen, dat misst verbuede sinn! An awer ass dat Laachen fir muenchereen keng Selbstverständlechkeet! Mir stressen eis, si flemseg a genervt, granzen, ginn heiansdo richteg rosen, obwuel dat eis meeschtens och net wierklech weiderbréngt! Dobäi, wa mir eis selwer net ëmmer sou eescht géifen huelen, da kéinte mir vläicht souguer iwwert eisen eegenen Eefalt laachen! A genee mat der Astellung géif de Bléck an de Spigel ënner Ëmstänn ganz nei Perspektiven erginn!
Och an dësem neie Comedy-Programm vun Tri2Pattes ass genee dat souzesoen de Leitmotiv, an déi wichtegst Inspiratiounsquell fir eng Hellewull vu lëschtege Sketcher, Lidder, Dänz, Pantomime an Clownerie. Een Owend gefëllt mat gudder Laun, dat steet hei um Menü. Och Laachen ass hei eng Optioun, vläicht souguer fir déi, déi dodrann zimlech zéi sinn! Kommt kucken an iwwerzeegt Iech selwer.
De Benefiss geet integral un ‚MEMA – Mon école mon avenir asbl‘ www.mema.lu
infos
avec: Sonja Schmitz, Dan Theisen, Änder Thill
choréographie: Sara Eden
photo: Studio Aline Photo
layout: Hanna Karczewska
technique: Fanfan Chotro, Ars Salvestrin
Prix
Tarif normal: 25,00€
Réduit: 15,00€
Groupe (à.p.d. 5 pers.): 20,00€
Trifo Card: 20,00€
Kulturpass: 1,50€
Langue
luxembourgeois
durée
140 Min. avec pause
lieu
Atrium