De Litty (Pierre-Toussaint Stefani, 1872-1932) ass an der Zäit ronderëm den Éischte Weltkrich de wuel bekanntsten Ënnerhalungskënschtler zu Lëtzebuerg. Vill nei Lidder aus der Zäit (z.B. vum Poutty Stein) mécht hien duerch seng jovial an adrett Aart a Weis am ganze Land; bäi Jonk an Al, bekannt. Oft gett hie bei sengen Optretter op der Schubermëss, an de Cafe-Chantants, an den Hoteler vu senger Duopartnerin Bobby (Victorine Chalois) begleet. Un hirer Säit wierkt de ‘Pappa Amberg’, Impresario a Ferderer vun der Lëtzebuerger Kultur.
De Spektakel Du Litty do! retraceiert dem Litty säi Liewen duerch politesch a geschichtlech markant Ereegnisser zu a ronderëm Lëtzebuerg: Stolindustrie, Auswanderung, Schoulpflicht, Paul Eyschen, Cabaretszeen, Éischte Weltkrich, 1. Meedercherslycée, Fraewalrecht, 1920er Joren oder Wirtschaftskris. Biografesch Aspekter a geschichtlech Ereegnisser ginn unhand vun originale Lëtzebuerger Lidder aus der Zäit an Neikompositioune fir Solo, Chouer a Band verdäitlecht. De Spektakel bitt eng Rees an eng spannend Zäit vun der Lëtzebuerger Geschicht an an d’Liewe vum landbekannte Litty.
LINE-UP
TRIO FLOTT
Joe Del Toe (Litty)
Jacqueline Bischofsberger (Bobby)
Georges Urwald (Piano a Gesank)
Marc Linden (Erzieler)
CHOUER VUM IECHTERNACHER KOLLÉISCH
(Dir. Monique Schumann)
BOBBY BAND
Text a Musek:
Lëtzebuerger Lidder aus der Zäit, Jean-Marie Kieffer & Georges Urwald
Bléck vu baussen:
Milla Trausch
Preise
Tarif adulte: 26,00€
Tarif jeune: 13,00€